ແຫຼ່ງລວມຄວາມຮູ້ ALiSEA

ການປູກເຂົ້ານາ ປະສົມປະສານກັບການລ້ຽງເປັດ ແລະ ປູກ ພືດລະດູແລ້ງ ໃນນາເຂົ້າ ແມ່ນວິທີການໜຶ່ງ ທີ່ສົ່ງສົ່ ຜົນເຮັດ ໃຫ້ການຜະລິດທີ່ຍືນຍົງ, ເຊີ່ງສາມາດເພີ່ມຜົນຜະລິດເຂົ້ານາ ຈາກການໄດ້ຮັບຝຸ່ນທຳມະຊາດ, ສ້າງລາຍຮັບຈາກການເຮັດ ຫຼາຍກິດຈະກຳໃນພື້ນທີ່ດຍວກັນ ແລະ ມີການປັບປຸງດິນໄປ ພ້ອມ ຈາກການນຳໃຊ້ຝຸ່ນຂຽວຈາກພືດຕະກຸນຖົ່ວ ແລະ ຝຸ່ນຈາກເປັດ. ລະບົບນີ້ຍັງເປັນການຫຼຸດຜ່ອນ ແຮງງານໃນ ການຄວບຄູມຫຍ້າ, ຫຼຸດຜ່ອນສັດຕູພືດ ແລະ ຫຼຸດຜ່ອນ ການນຳໃຊ້ສານເຄມີໃນນາເຂົ້າ ລວມທັງຫຼຸດຜ່ອນຕົ້ນທຶນ ການຜະລິດເຂົ້ານາໄດ້ອີກດ້ວຍ.

ຊຸດຂໍ້ມູນນີ້ແມ່ນໄດ້ນຳສະເໜີ “ເຕົາເຜົາແບບອະເນກປະສົງ ຖ່ານຊີວະພາບ ແລະ ນ້ຳສົ້ມຄວັນໄມ້”, ເຊິ່ງເປັນການອອກແບບທີ່ສາມາດນຳໃຊ້ໄດ້ຈິງ ແລະ ມີປະສິດທິພາບ ທີ່ຊ່ວຍໃຫ້ກະສິກອນຂະໜາດນ້ອຍສາມາດຜະລິດທັງຖ່ານຊີວະພາບ ແລະ ນ້ຳສົ້ມຄວັນໄມ້ຈາກສິ່ງເສດເຫຼືອທາງກະສິກຳ. ໂດຍໄດ້ພັດທະນາຂຶ້ນທີ່ສູນຮຽນຮູ້ ECHO Asia ໃນຈັງຫວັດຊຽງໃໝ່, ປະເທດໄທ, ເຕົາເຜົານີ້ສາມາດສະໜັບສະໜູນການຈັດຕັ້ງປະຕິບັດກະສິກຳແບບຍືນຍົງ. ການລິເລີ່ມນີ້ເປັນສ່ວນໜຶ່ງຂອງກອງທຶນຂະໜາດນ້ອຍອາລິເຊຍ 2023, ເຊິ່ງມີຈຸດປະສົງເພື່ອເສີມສ້າງເຄືອຂ່າຍຜູ້ຜະລິດຖ່ານຊີວະພາບທົ່ວພາກພື້ນ.

ເອກະສານບົດຮຽນນີ້ນຳສະເໜີວ່າໂຄງການ Youth Agroecology Caravan (YAC) ຊ່ວຍເສີມສ້າງການມີສ່ວນຮ່ວມຂອງຊາວໜຸ່ມໃນກະສິກຳນິເວດ ຜ່ານການຮຽນຮູ້ຈາກພາກສະໜາມ, ການຮຽນຮູ້ຮ່ວມກັນ ແລະ ການແລກປ່ຽນຄວາມຮູ້. ໂຄງການນີ້ຊ່ວຍໃຫ້ຊາວກະສິກອນຫນຸ່ມ, ນັກສຶກສາ ແລະ ຜູ້ປະກອບວຽກດ້ານກະສິກຳ ພັດທະນາທັກສະປະຕິບັດ, ຂະຫຍາຍເຄືອຂ່າຍຄວາມຮ່ວມມື ແລະ ນຳໃຊ້ນະວັດຕະກຳດ້ານກະສິກຳນິເວດໃນຊຸມຊົນຂອງຕົນ. ບົດຮຽນນີ້ຍັງສະທ້ອນໃຫ້ເຫັນຄວາມສຳຄັນຂອງການຮຽນຮູ້ຜ່ານປະສົບການໃນການສົ່ງເສີມກະສິກຳທີ່ຍືນຍົງສຳລັບຄົນຮຸ່ນໃໝ່.

ເອກະສານນີ້ນຳສະເໜີວິທີການຜະລິດສານໄລ່ແມງສັດຕູພືດແບບທຳມະຊາດ ໂດຍໃຊ້ວັດຖຸດິບທ້ອງຖິ່ນ. ວິທີນີ້ຊ່ວຍຫຼຸດການໃຊ້ສານເຄມີ, ຫຼຸດຕົ້ນທຶນ ແລະ ສົ່ງເສີມກະສິກຳນິເວດ.